پاکستان میں صارفین کو انٹرنیٹ کے استعمال اور سوشل میڈیا تک رسائی میں ایک بار پھر دشواری کا سامنا کرنا پڑا ہے۔ یہ سب ایک ایسے موقع پر ہوا جب جیل میں قید سابق وزیرِ اعظم عمران خان کی جماعت پاکستان تحریکِ انصاف (پی ٹی آئی) نے آن لائن اپنی انتخابی مہم کا آغاز کیا۔
پاکستان میں مہنگائی کی شرح دسمبر میں 29 فی صد سے زیادہ رہی۔ ملک میں عام انتخابات سے قبل سیاسی جماعتیں مہنگائی کو کم کرنے کے دعوے تو کر رہی ہیں۔ لیکن ماہرین سمجھتے ہیں کہ مہنگائی میں کمی کے لیے آنے والی آئندہ حکومت کو سخت فیصلے کرنے ہوں گے۔ سدرہ ڈار اور خلیل احمد کی رپورٹ۔
اسلام آباد میں لاپتا بلوچ افراد کے لیے دھرنا دینے والی بلوچ یکجہتی کونسل سے اظہارِ یکجہتی کے لیے امریکی دارالحکومت واشنگٹن ڈی سی میں وائٹ ہاؤس کے باہر مظاہرہ کیا گیا۔ مظاہرے کا اہتمام بلوچ نیشنل موومنٹ کے امریکہ چیپٹر نے کیا۔ وائس آف امریکہ کے لیے ارم عباسی نے وہاں چند مظاہرین کے ساتھ بات چیت کی ہے۔
امریکہ کے دارالحکومت واشگنٹن میں کانگریس کی عمارت کیپیٹل ہل پر چھ جنوری کے حملے کو تین سال مکمل ہوگئے ہیں۔ اس واقعے کو امریکہ کی جمہوری تاریخ میں ایک سیاہ دن کے طور پر دیکھا جاتا ہے۔ ان تین برسوں میں اس کے کیا اثرات مرتب ہوئے اور یہ معاملہ انتخابی مہم میں کتنا اہم ہے؟ جانیے اسد حسن کی اس رپورٹ میں۔
ایف بی آئی کی طرف سے جاری کی گئی ویڈیو میں ایک شخص کو سرمئی رنگ کی ہوڈ والی سویٹ شرٹ میں، چہرے پر ماسک لگائے اور دستانے پہنے ہوئے دھماکا خیز مواد کو ڈیموکریٹک نیشنل کمیٹی کے دفتر کے باہر ایک بینچ کے نیچے رکھتے ہوئے دکھایا گیا ہے۔
ایوان کی نگران کمیٹی کے ڈیمو کریٹس نے اپنی رپورٹ میں لکھا کہ ، سعودی عرب ، بھارت ، ترکیہ اور جمہوریہ کانگو ان تقریباً 20 ملکوں میں شامل تھے جن کے نمائندوں نے ٹرمپ کی صدارت کے دوران ان کے ہوٹل اور رئیل اسٹیٹ کے کاروبار کو رقم ادا کی ۔