جرمن کمپنی کیساتھ پاکستان میں جدید طیاروں کی تیاری کیلئے معاہدہ

اسلام آباد (ڈیلی پاکستان آن لائن )جرمن کمپنی اور پاکستانی کمپنی کے درمیان لائٹ ویٹ طیاروں کی پاکستان میں مینو فیکچرنگ کیلئے معاہدہ طے پاگیا جس کے تحت اب پاکستان میں بھی بار جائرو کاپٹرز کی مینوفیکچرنگ ہو سکے گی۔
پاکستان کی سکائی ونگز ایوی ایشن اور جرمنی کی سیلیئر گروپ کمپنی کے درمیان سرمایہ کاری اور مینوفیکچرنگ کے لئے معاہدہ طے پاگیا۔سکائی ونگز ایوی ایشن کے سی ای او عمران اسلم خان نے جیو نیوز کو بتایا کہ جائرو کاپٹرز پاکستان میں مینوفیکچرنگ سے پاکستان میں ایوی ایشن صنعت کو فروغ ملے گا اور وزیر اعظم کی زیر قیادت سپیشل انویسمنٹ فیسیلیٹیشن کونسل (ایس آئی ایف سی) کی سرمایہ کاری کی کوششوں کے نتیجے میں یہ بڑی پیش رفت ہوئی ہے۔عمران اسلم نے بتایا کہ پہلا جائرو کاپٹر رواں سال اگست میں پاکستان پہنچ جائے گا جبکہ جرمن سیلیئر کمپنی اور سکائی ونگز معاہدے کے تحت آئندہ سال 2025 سے پاکستان میں جائروکاپٹرز کی مینوفیکچرنگ کا بھی آغاز ہو جائے گا۔جائرو کاپٹرز ایئر ایمبولینس، فصلوں پر سپرے، پائپ لائنوں کے سروے کے علاوہ قدرتی آفات کے دوران اور ساحلی علاقوں میں ریسکیو کیلئے استعمال ہو سکتے ہیں۔جائروکاپٹرز 160 سے 200 کلومیٹر فی گھنٹہ کی رفتار کے ساتھ اڑان کی صلاحیت رکھتا ہے۔ 
عمران اسلم کا کہنا ہے کہ ہم یہ جدید ترین لائٹ ویٹ طیارے نجی اور سرکاری شعبوں کو پیش کرنے کا ارادہ رکھتے ہیں، پاکستان اور جرمن کمپنی کے جوائنٹ وینچر سے پاکستان میں ایوی ایشن صنعت کو فروغ ملے گا۔