دبئی میں ذوالفقار علی بھٹو شہید کی 97 ویں سالگرہ کی تقریب کا انعقاد

دبئی (طاہر منیر طاہر)  قائد عوام  ذوالفقار علی بھٹو شہید  کی 97 ویں سالگرہ کی تقریب کا انعقاد  پیپلز پارٹی گلف و مڈل ایسٹ کی جانب سے دبئی کے مقامی ہوٹل میں کیا گیا  جس میں  امارات بھر سے پیپلز پارٹی کے  جیالوں ،عہدیداران اور  قائدین نے  شرکت کی-  میاں منیر ہانس صدر پی پی پی گلف کی صدارت میں ہونے والے پروگرام میں شرکاء نے اپنی تقاریر میں قائد عوام کو بھر پور خراج عقیدت پیش کیااور  پاکستان کے  عوام کی ترقی کے لیے کیے گئے کاموں پر اظہار خیال کیاگیا-  قائد عوام نے ڈکٹیٹر کے آگے سر نہ جھکایا اور اپنی جان کا نذرانہ  پیش کیا جسے  پاکستان کے غیور عوام  آج تک نہ بھُلا پائے اور آج شہید بھٹو کے مشن کی تکمیل کے لیے چئیر مین بلاول بھٹو زرداری اور  آصف علی زرداری کی قیادت میں اس سفر کو جاری رکھے ہوئے ہیں- تقریب ہذا میں پیپلز پارٹی کے  قیصر آفریدی ، نور خان مگسی ، نثارخٹک ، ملک اسلم ، ملک اسحاق ، افضل چوہدری ، عرفان قمر گوندل ، شفیق صدیقی ، نجمہ جیلانی ، نوفل عالم ، حسیب منیر ہانس ، قاری عبد الوہاب ، رائے سعید منج، عاطف گیلانی ، کامران الہی اور  سانول شبیر نے شرکت کی-