جدہ(بیورو رپورٹ) حلقہ فکروفن کی ادبی سرگرمیاں تنظیم نو کے اجلاس کے بعد کافی زور و شور سے جاری ہیں، آج جدہ میں ایک بڑی بیٹھک ہوئی جس میں سر پرست اعلیٰ حلقہ فکروفن سابق وفاقی وزیر چودھری شہباز حسین ، صدر حلقہ فکروفن وقار نسیم وامق ، صدر جدہ ریجن آفتاب ترابی اور معروف صحافی محمد اکرم اسد اور دیگر شریک تھے۔
اس موقع پر حلقہ فکروفن کے متعلق مختلف امور پر تبادلہ خیال ہوا۔خصوصاً حلقہ فکروفن کی حالیہ تنظیم سازی ، جدہ میں منعقدہ حالیہ کامیاب مشاعرہ اور دیگر سرگرمیاں زیر بحث رہیں۔
جن پر سر پرست اعلیٰ حلقہ فکروفن نے اطمینان کا اظہار کیا اور چیئرمین ، ڈپٹی چیئرمین ، صدر ، سینئر نائب صدر اور دیگر تمام عہدیداران، منتظمین و اراکین کی کاوشوں کو سراہا اور خراج تحسین پیش کیا۔
اس موقع پر چودھری شہباز حسین کا مزید کہنا تھا کہ حلقہ فکروفن اپنا ادبی سفر کامیابی سے جاری رکھے ہوئے ہے اور حالیہ منعقدہ کامیاب مشاعرہ کے بعد ہم بہت جلد مزید مشاعروں کا بھی اہتمام کریں گے اور حلقہ
فکروفن کو ادبی سرگرمیوں میں ان کی بھرپور سرپرستی اور تعاون شامل رہے گا۔
حلقہ فکروفن بہت جلد مزید مشاعروں کا اہتمام کرے گا :چودھری شہباز حسین
