دبئی (طاہر منیر طاہر) دبئی کے وسطی ایریا عود میثا (النصر) میں نو عمر بچوں کی تعلیم و تربیت کے لئے ایک ابتدائی تعلیمی تربیتی ادارہ شروع کیا گیا ہے، جسے ممتاز اور تجربہ کار ماہر تعلیم وجیہہ اسلم چلا رہی ہیں-
وجیہہ اسلم کے مطابق پاکستانی کمیونٹی میں وہ واحد خاتون ہیں جنہوں نے نرسری تعلیم کا یہ ادارہ قائم کیا ہے، اس ادارہ میں برطانوی نصاب کے مطابق چھوٹے بچوں کی تربیت کی جاتی ہے تا کہ وہ سکول جانے سے پہلے سککول کے آداب و اطوار اور تہذیب و تمدن سیکھ لیں، ادارے میں ایک محفوظ اور فعال محرک ماحول بنانے کی کوشش کرتے ہیں جہاں بچے ہمیشہ اپنی رفتار سے سیکھتے اور ترقی کرتے ہیں، بچوں کو اپنی حقیقی صلاحیتوں کو پورا کرنے کا بہترین موقع حاصل ہوتا ہے، پیدائش اور پانچ سال کی عمر کے درمیان بچے غیر معمولی نشوونما کا تجربہ کرتے ہیں۔
ان کاکہناتھاکہ ابتدائی بچپن کی تعلیم پر مرکوز ایک محفوظ اور متاثر کن جگہ بنانے کا ہمارا عزم اس بات کو یقینی بناتا ہے کہ نو عمر بچوں کو سیکھنے کا زیادہ سے زیادہ موقع فراہم کیا جائے اور انہیں زندگی بھر کی کامیابی کی راہ پر گامزن کیا جائے۔ وجیہہ اسلم نے مزید بتایا کہ ہمارا وژن اور مشن اس تجسس کو پروان چڑھانا ہے جس کے ساتھ بچہ پہلے ہی پیدا ہوتا ہے، بچے مزید جاننے، مزید دریافت کرنے اور مزید کچھ کرنے کی جبلت کے ساتھ پیدا ہوتے ہیں اور ہمیں ان کی ابتدائی پرورش کرنا پسند ہے، ادارے ’بیوٹی فل ہوریزن ایف ایل سی‘ کی بنیاد بچوں کی تخلیقی صلاحیتوں کو فروغ دینے اور ان کے فطری تجسس، اور اپنے ارد گرد کی دنیا کو تلاش کرنے کے رجحان کا احترام کرتے ہوئے سیکھنے کو فروغ دینے کے وژن کے ساتھ رکھی گئی ہے، ادارے میں دنیا کے ہر ملک اور کمیونٹی کے بچوں داخلہ دیا جاتا ہے اور ان کی مثبت انداز میں تربیت کی جاتی ہے-
